Xitoy. Oskarning goli "Shanxay SIPG"ni mag‘lubiyatdan saqlab qoldi

Bugun Xitoy Superligasida 3-tur o‘yinlari davom ettirildi. Hamyurtimiz Odil Ahmedov faoliyat olib boradigan "Shanxay SIPG" jamoasi bu tur "Tsindao Xaynyu" klubiga qarshi bahs olib bordi va 89-daqiqada Oskar tomonidan penaltidan kiritilgan gol evaziga mag‘lubiyatdan qutulib qoldi.

Ahmedov 46-daqiqada zaxiradan maydonga tushdi. Shu tariqa, shanxayliklar hisobidagi ochkolar soni 7 taga etdi va jamoa o‘z guruhida 2-o‘rinni egallab turibdi.

Xitoy Superligasi. 3-tur

"Tsindao Xaynyu" - "Shanxay SIPG" 1:1

Gollar: Vang Dong (71 penaltidan) - Oskar (89 penaltidan)