Xavi “Valenciya“ ustidan qozonilgan yirik g‘alabadan so‘ng nimalar dedi?

“Barselona“ bosh murabbiyi Xavi “Valenciya“ga qarshi o‘yindan o‘z fikrlarini bildirib o‘tdi. Unga ko‘ra, sobiq futbolchi natijadan to‘la qoniqish hosil qilgan.

“Juda xursandman. “Napoli“ bilan bo‘lgan o‘yinning ayrim epizodlari kabi zo‘r harakat qilmadik. Biroq vaziyatlardan unumli foydalanishga muvaffaq bo‘ldik.

Ikkinchi bo‘limda raqib bizga muammo tug‘dira oldi. Ayni shu pallada bizga biroz xotirjamlik etishmadi.

Safardan yana bir muhim 3 ochko bilan qaytamiz. Bu ajoyib g‘alaba bo‘ldi. Gollar esa shunchaki fantastika“, - dedi ispaniyalik mutaxassis.