Xavi: "Biz chempionlar ligasida g‘alaba qozonmoqchimiz, ammo u erda favorit emasmiz!"

"Barselona" bosh murabbiyi Xavi Ernandes kelgusi mavsumda Evropa chempionlar ligasidagi ishtiroki haqida qisqacha to‘xtalib o‘tdi. 

"Biz "Barselona"miz. Bu erda 10 ta turnir bo‘lsa, barchasida g‘alaba qozonishni talab qilishadi. Bu yaxshi holat. 

Biz barcha sovrinlarni qo‘lga kiritishni istaymiz. Chempionlar ligasi ham shular jumlasidan. Oldinga qadam tashlashimiz kerak. O‘ylaymanki, jamoaga yangi kelganlar bizga bu borada katta yordam berishadi. 

EChLdagi maqsad - g‘olib bo‘lish. Musobaqada g‘alaba qozonmoqchimiz, ammo u erda favorit emasmiz! Jamoa uchun nimchorak yoki chorak final degan narsa yo‘q, biz final uchun intilamiz va kurashamiz", - dedi ispaniyalik mutaxassis.