Виталий Денисов Файзуллаевнинг трансфери икки томонга ҳам фойдали бўлишини айтди

Москванинг ЦСКА клуби ва Ўзбекистон терма жамоаси собиқ футболчиси Виталий Денисов Аббосбек Файзуллаевнинг Туркия чемпионати клубига кетиши ҳақида фикр билдирди.

21 ёшли футболчисига "Истанбул Башакшеҳир" клубига ўтишга яқин турибди. Россия клубидан олинган сўнгги маълумотларга кўра, футболчи ҳали тиббий кўрикдан ўтмаган ва бу борадаги хабарлар ҳақиқатга тўғри келмайди. Ўтиш суммаси 7 миллион еврони ташкил этиши кутилмоқда.

"Мавсум кўнгилдагидек самарали бўлмади, лекин у барибир терма жамоа ва клуб учун жонини бериб, голлар урди. ЦСКА ва Аббос бу битимдан фойда кўрди: йигитча энг кучли лигага эмас, балки етарлича яхши клубга ўтди", - дея Денисовнинг сўзларини келтирди "Советский спорт."

Ўтган мавсумда 21 ёшли ярим ҳимоячи клуб миқёсида 39 та ўйинда майдонга тушиб, 3 та гол урди ва 8 та голли узатмани амалга оширди.