Вирц учун курашга яна бир гранд клуб қўшилди

Флориан Вирц сўнгги кунларда футбол оламидаги энг кўп муҳокама қилинаётган номлардан бирига айланди. Германиянинг Kicker ва Bild нашрларига кўра, 22 ёшли немис футболчисига Англия чемпиони — "Ливерпуль" ҳам жиддий қизиқиш билдирмоқда.

Маълумотларга кўра, Вирц сешанба куни Англияда нафақат "Манчестер Сити", балки "Ливерпуль" вакиллари билан ҳам учрашган. Шу билан "қизиллар" ҳам ёш иқтидор эгаси учун курашга қўшилган.

Ҳозирда Флориан Вирцнинг олдида тўрт йирик клубдан иборат танлов бор: "Манчестер Сити", "Ливерпуль", "Бавария" ва "Реал".

Аввалроқ матбуотда "Байер" футболчини сотишдан 150 миллион евро даромад олишни истаётгани ҳақида ёзилган эди.