Вирц "Ливерпуль" футболчиси сифатида илк интервьюсини берди

"Ливерпуль"нинг янги футболчиси деб таништирилган Флориан Вирц ўзининг илк интервьюсини бериб, ушбу трансфер ва бошқа қизиқарли саволларга жавоб берди:

"Жуда бахтиёрман ва ғоят фахрланаман. Ниҳоят бу рўй берди, мен буни узоқ вақт кутдим. Бу янги саёҳатдан жуда хурсандман. Бундеслигани тарк этиб, Англия Премьер-лигаси футболчисига айланишни истаганман. Бу мен учун мутлақо янги босқич. Бу ерда ўзимни қандай кўрсата олишимни кўрамиз. Умид қиламанки, энг яхши томонимдан намоён бўламан" – деди футболчи клубнинг матбуот хизматига.

Эслатиб ўтамиз, Англия чемпиони Вирц трансфери ҳақида жума куни кечқурун эълон қилган. Футболчи сўнгги 5 йилни "Байер" тизимида ўтказиб, 150 миллион евро атрофидаги сумма эвазига мерсесайдликлар сафига келиб қўшилди.