Винисиус "Реал"нинг сўнги таклифини ҳам рад этди

"Реал Мадрид" футболчиси Винисиус Жуниор клубдаги келажаги сўроқ остида қолмоқда. Transfer News Live нашрининг Cadena CER'га таяниб хабар беришича, Винисиус "қаймоқранглилар"нинг шартномани узайтириш бўйича сўнгги таклифини рад этган. 25 ёшли футболчининг вакиллари бу таклифни молиявий жиҳатдан етарли эмас деб ҳисоблашди.

Винисиус Килиан Мбаппе даражасида маош талаб қилишда давом этмоқда. Бразилиялик футболчи янги мавсумга пул тикиб, сифатли ўйин кўрсатиб, даромадини оширишга ҳаракат қилмоқда.

Аввалроқ матбуотда Винисиус ва Мбаппенинг белгиланган маоши тахминан бир хил экани, аммо француз эркин агент сифатида келганидан кейин катта имзо бонуси эвазига кўпроқ маош олиши ҳақида ёзишганди.