Viktor Jalilov "Paxtakor"dan uchralgan mag‘lubiyatga izoh berdi

"Navbahor" - "Paxtakor" (1:2) o‘rtasidagi bellashuvdan so‘ng tashkil etilgan matbuot anjumanining ikkinchi qismida mezbonlar ustozi Viktor Jalilov ishtirok etdi.

- Juda qiyin va murakkab o‘yin bo‘ldi. O‘zbekistondagi eng kuchli jamoaga qarshi maydonga tushdik.  Bugungi o‘yin durangga mos edi. Biroq imkoniyatni boy berdik. Bugun futbolchilarimiz juda yaxshi harakat qilishdi. Gol urgandan keyin ham himoyaga yotib olishmadi. Qolgan voqealar haqida gapirmayman...

Farhod Mirahmatov chap qanot himoyachisi. Davron Hoshimov esa o‘ng tomonda o‘ynaydi. O‘ng qanot himoyachimiz Xushnud Avilovda jarohat bor. Hujumchilar muammosi esa nafaqat bizda, balki butun O‘zbekistonda ham mavjud. Hozirgi kunda o‘yin taqdirini hal qiladigan sanoqli hujumchilarga egamiz. Mashg‘ulotlardagi harakatlaridan so‘ng, futbolchilarni maydonga tushiramiz.

Hozir legioner yoki mahalliy futbolchini ajratmoqchi emasman. U yoshmi, yoshi o‘tib qolganmi, men uchun maydonga tushib, "Navbahor" libosida yaxshi o‘yin ko‘rsatishi muhim. Mashg‘ulotlarda o‘zini ko‘rsatganlar maydonga tushadi. Isoqjonov kichik jarohat olgani sabab uni almashtirishga majbur bo‘ldim.

Mag‘lubiyatga uchradikmi, demak bizga mahorat, sovuqqonlik etishmadi. Qaysidir pallada omad ham. Nimadir etishmadi. Kamchiliklarni muhokama qilamiz. Futbolchi almashtirish o‘yinning borishiga qarab amalga oshiriladi. Shuning uchun Tasich o‘yinga qo‘shildi. Igor Golbanning oldinda ko‘proq foydasi tegishini inobatga olib, uni oldinga o‘tkazib, Putinchaninni orqaroqqa o‘tkazdik, - dedi Viktor Jalilov.