Valverde "Barselona"dan ketishga rozi bo‘ldi

Yangi mavsumda "Barselona"ni yangi murabbiy boshqaradi. Bu haqda ispaniyalik jurnalist Gonsalo Miro xabar bermoqda.

“Ernesto Valverde iyunda o‘zining “Barselona”dagi faoliyatini yakunlaydi. Bunday qarorga klub ham, uning o‘zi ham rozi bo‘lgan”, - deydi Miro.

Ma’lumot uchun, 55 yoshli mutaxassis “Barselona”ni 2017 yildan buyon boshqarib kelmoqda. Uning klub bilan amaldagi shartnomasi esa joriy mavsum yakunida o‘z nihoyasiga etadi.