УзПФЛ "Сурхон"нинг Суперлига логотипини ўзгартириш бўйича таклифига қизиқ жавоб берди

Хабарингиз бор, Суперлиганинг 14-турида ОКМК ўз уйида "Сурхон"ни қабул қилиб, 0:1 ҳисобида имкониятни бой берди. Ягона гол 58-дақиқада Асилбек Жумаев томонидан киритилди. Энг қизиқарли томони шундаки, мазкур голга Дмитрий Плетнёв "рабона" паси орқали ассистентлик қилди. 
 
Ушбу беллашувдан сўнг "Сурхон"нинг медиа матбуоти УзПФЛга логотипни ўзгартириш бўйича таклиф пости билан мурожаат қилди. 


 
Бир неча дақиқа олдин УзПФЛ ҳам Суперлига клубига ажойиб жавоб берди: 
 
"Суперлиганинг логотипи ҳақидаги таклиф эътиборга лойиқ. Биз ҳар доим янгилик ва замонавийлик тарафдоримиз. 

Аммо кичкина бир шарт билан: Сурхон чемпион бўлса — логотип янгиланади!  
 
Дизайнерлар тайёр турибди. Энди навбат сизга — майдонга чиқинг, кубокни олинг, биз эса ребрендинг амалга оширамиз!" - деб жавоб берилди.

Эслатиб ўтамиз, "Сурхон" клуби турнир жадвалида пешқадамлик қилаётган "Насаф"дан 15 очко ортда бормоқда.