U Ronaldudan keyin yulduz bo‘lgan

“Real” hujumchisi Vinisius Junior jamoaning etakchi hujumchisi Karim Benzema haqida fikr bildirdi.

- Karim har kuni menga juda ko‘p narsalarni o‘rgatadi. Men Benzema o‘tgan mavsumdagi kabi ko‘p gol urishini uchun qo‘limdan kelgancha unga yordam beryapman. U hayotda menga juda ko‘p yordamlashyapti, men bunga maydonda javob qaytaryapman.

Krishtianu Ronaldu bilan uzoq birga o‘ynaganidan keyin “Real”ning asosiy yulduzi bo‘lish Benzema uchun juda muhim edi. Men esa, unga ko‘maklasha olayotganimdan xursandman, - dedi Vinisius Junior.

Benzema o‘tgan mavsum yakunlariga ko‘ra, faoliyatida ilk bor “Oltin to‘p” sovriniga loyiq topildi.