U kelgan joyiga ketishi kerak

Xosep Gvardiola “Manchester Siti”ning tajribali himoyachilaridan Nikolas Otamendini boshqa jamoaga o‘tib ketishiga to‘sqinlik qilmaydi. “Shaharlik”lar 32 yoshli futbolchi bo‘yicha har qanday taklifni ko‘rib chiqishga tayyor.

Otamendining o‘zi ham klubdan ketish istagida. U Gvardiola unga taqdim etayotgan o‘yin vaqti kamligidan norozi bo‘lmoqda. Klub argentinalik himoyachini 10 million evro to‘lagan jamoaga berib yuboradi.

Otamendiga asosiy da’vogarlardan biri “Valensiya” hisoblanadi. Nikolas Angliyaga kelgunicha aynan mana shu jamoa safida to‘p surgan.