U-23 Osiyo kubogi. Bugun ikkinchi tur o‘yinlari boshlanadi

Qatarda bo‘lib o‘tayotgan 23 yoshlilar o‘rtasidagi Osiyo kubogining birinchi tur uchrashuvlari o‘z nihoyasiga etdi. Bugun esa ikkinchi turga start beriladi, ya’ni "A" guruhidan o‘rin olgan jamoalar o‘z o‘yinlarini o‘tkazadi. 

Bugun Indoneziya Avstraliyaga qarshi maydonga tushadi. O‘yin esa 18:00da boshlanadi. Shuningdek, Iordaniya Qatar bilan kuch sinashadi. Bahs 20:30da start oladi. 

Eslatib o‘tamiz, ayni paytda Qatar guruhda peshqadam bo‘lib turibdi. Avstraliya va Iordaniyada bir ochkodan mavjud. Indoneziya bo‘lsa so‘nggi o‘ringa joylashgan.