Tuxel: “Klopp jamoasi bilan finalda uchrashish yoqimli“

“Chelsi“ bosh murabbiyi Tomas Tuxel “Liverpul“ga qarshi kechadigan Angliya kubogi final bahsi oldidan o‘z fikrlarini ma’lum qildi. Unga ko‘ra, bu o‘yin ikki klub uchun ham og‘ir sinov.

“Bu ajoyib qarama-qarshilik. Biz jang qilishga tayyormiz. Klopp bilan “Uembli“dagi finalda to‘qnash kelish ajoyib voqea. 

Yigitlar bosimsiz harakat qilishi muhim. Ular shunchaki o‘zlariga yuklatilgan vazifani bajarsa, shuning o‘zi etarli. 

“Liverpul“ bilan o‘yinlarda biz doim qiyinchilikka duch kelganmiz. Biroq bu ular engilmas jamoa, degani emas. Ularga ham oson bo‘lmaydi“, - dedi germaniyalik mutaxassis.