Tursunoy g‘alaba qozondi va yana bir litsenziya qo‘lga kiritildi!

Iordaniyadagi boks bo‘yicha litsenzion turnir hal qiluvchi pallaga etib keldi. Bugun, ushbu turnirning so‘ngi kuni. Xabaringiz bor, turnirning yakuniy kunida 4 nafar hamyurtimiz ringga ko‘tariladi. Biz kutgan janglarning dastlabkisida -51 kg vazn toifasidagi vakilamiz Tursunoy Rahimova Tokio Olimpiadasi litsenziyasi uchun o‘tish bosqichida ishtirok etdi. U tailandlik Yutumas Jitpong bilan ringga ko‘tarildi. Ushbu qarama-qarshilik g‘olibi Tokioda bo‘lib o‘tadigan yozgi Olimpiadaga yo‘llanmani naqd qilar edi.

Ajoyib harakatlari, aniq zarbalari bilan vakilamiz jang taqdirini o‘z foydasiga hal qildi va delegatsiyamizga yana bir yo‘llanmani taqdim etdi.