Тотти: "Рома" уч марта пенальтини ура олмади — бу тарихдаги мислсиз ҳолат"

"Рома" афсонаси Франческо Тотти жамоасининг "Лилль"га қарши учрашувда бир эмас, уч мартадан пенальтини голга айлантира олмаганидан ҳайратда қолди.

Маълумотларга кўра, собиқ капитан дўстига йўллаган овозли хабар орқали фикр билдирган, аммо у оммага тарқаб кетган.

"Ё Аллоҳ, бу ҳазил бўлса керак. Мени "фақат пенальтидан гол уради" деб танқид қилишарди, гўё осон ишдек... Лекин тарихда бундай ҳодиса бўлмаган — учта пенальтини кетма-кет ура олмаслик! Буни фақат "Рома" қила олади. Ишончсиз ҳолат", — деган Тотти.