"Tottenxem"ni ikki futbolchi tark etdi

Shartnomasi o‘z nihoyasiga etgan ikki futbolchi "Tottenxem"ni tark etdi.

Gap himoyachi Yan Vertongen va darvozabon Mishel Vorm haqida ketmoqda. Vertongen 2012 yili London klubining safiga kelib qo‘shilgan bo‘lsa, Vorm 2014 yildan buyon jamoa sharafini himoya qilardi.

"Shunday qilib, vaqt etib keldi. Ko‘p sabablarga ega bo‘lgan qayg‘uli kun. Men bu erda orttirgan do‘stlarimni, klubdagi barcha xodimlarni, ajoyib yangi stadionni va albatta, siz aziz muxlislarni sog‘inaman," - deb izoh qoldirdi Vertongen.