"Tottenxem" Allidan tezroq qutulmoqchi

"Tottenxem" klubi rahbariyati jamoa yarim himoyachisi Dele Allini sotib yubormoqchi.

Football Insider nashri tarqatgan xabarga qaraganda, "shporlar" 25 yoshli angliyalik futbolchi bilan o‘tgan yilning yozidayoq xayrlashmoqchi edi, biroq uning transferi bo‘yicha birorta ham taklif kelib tushmadi.

Endi londonliklar Allidan qutulish uchun keyingi transfer oynasini kutishmoqda.

Dele Alli “Tottenxem” safida 2015 yildan buyon to‘p surib kelmoqda. U joriy mavsum 9 ta o‘yinda maydonga tushdi va 1 ta gol hamda 1 ta golli uzatmaga mualliflik qildi.