Tirni: "Arsenal" bilan bog‘liq hech qanday muammo yo‘q

"Real Sosedad"ga ijara asosida o‘tgan "Arsenal" futbolchisi Kiran Tirni o‘z fikrlari bilan o‘rtoqlashdi. 

"Men ketdim. Sababi, o‘tgan mavsumda ko‘p o‘ynay olmadim. Joriy mavsum ko‘proq o‘yin o‘tkazmoqchi edim va buni “Sosedad”da amalga oshiraman degan umiddaman. 

"Arsenal" bilan hech qanday muammo yo‘q. "Real Sosedad" meni bu erda bo‘lishimni xohlayotganini bilish, mahalliy aholining barcha mehrini his qilish juda yoqimli edi. Basklar mamlakatida bo‘lish, bu erda yashash va La Ligada o‘ynash tajribasiga ega bo‘lishdan juda faxrlanaman. Umid qilamanki, bu erda ishlar men uchun hammasi o‘zgacha bo‘ladi", - dedi shotlandiyalik fulbek.