Тен Хаг "Манчестер Юнайтед" тарихидаги антирекордни ўрнатди

Англия Премьер-лигасининг 3-тур доирасида "Манчестер Юнайтед" ва "Ливерпуль" жамоалари тўқнаш келишди. "Ливерпуль" рақибини 3:0 ҳисобида мағлуб этди. Ушбу мағлубият туфайли "Манчестер Юнайтед" устози Эрик тен Хаг мураббийлар орасида клуб антирекордлари рўйхатига кирди.

Бу "Манчестер Юнайтед"нинг Англия Премьер-лигаси дастлабки уч туридаги иккинчи мағлубияти бўлди. Жамоа 2022/2023 йилги мавсумда тен Хаг бошчилигида чемпионатнинг учта бошланғич туридан иккитасида ҳам мағлуб бўлган эди.

Шу тариқа, Эрик тен Хаг Премьер-лиганинг дастлабки учта туридан иккитасида икки марта мағлуб бўлган "Манчестер Юнайтед" тарихидаги биринчи мураббийга айланди.