Таниқли журналист Роналду нима сабабдан МЮни тарк эта олмаслигини айтди

Португалиялик журналист Рикарду Лестре "Манчестер Юнайтед" ҳужумчиси Криштиану Роналду нима учун ўзига янги клуб топа олмаётганини тушунтирди.

Лестренинг фикрига кўра, асосий сабаблардан бири 37 ёшли португалияликнинг юқори маоши бўлиб, уни фақат бир нечта клублар тўлай олади.

“Роналдуни таркибга жалб қилиш учун даъвогар клуб кўп нарсани ўзгартириши керак. Унинг юқори даражадаги ўйинларини инкор этиб бўлмайди, лекин унинг катта маоши ва ёши кўпчиликни ўйлантиради. 37 ёшли Роналду ҳамон "йиртқич", лекин у энди "Реал"даги Роналдудан фарқ қилади. Ҳозирда унинг тезлиги юқори эмас, ўйин услубини ҳам бошқача.

Роналдунинг борлиги клубнинг бутун тизимини ўзгартиради. Унинг юқори маоши, ёши ва жароҳат олиш хавфининг ошиши, шунингдек, агар мураббий уни захира ўриндиғида қолдиришга қарор қилса, жамоада тартибсизликлар келиб чиқиш эҳтимоли кўплаб клубларни чўчитади. Улар бундай мураккаб ишга аралашишни хоҳламайдилар. Бундай нарсалар эса топ-клубларнинг обрўсига фойда келтирмади. Шу боисдан ҳам Криштиану учун “Манчестер Юнайтед”да қолиб, ўз етакчилигини исботлаб, яна қаҳрамонга айлангани яхшироқ”, - дея фикр билдиради Лестре.

Олдинроқ Роналду “Манчестер Юнайтед”ни тарк этиб, Чемпионлар лигасида қатнашадиган жамоада ўйнашни хоҳлаётгани хабар қилинганди.

Роналдунинг “қизил иблислар” билан амалдаги шартномаси 2023 йилнинг 30 июнига қадар тузилган. “Transfermarkt” портали футболчининг нархини 30 миллион еврога баҳоламоқда.