"Surxon" 3 o‘yindan beri gol kirita olmayapti, murabbiy bunga qanday izoh berdi?

"Qayd etilgan natijadan ko‘nglim to‘lmadi. Ikkita ikki xil taymlar o‘tkazdik. Olmaliq jamoasiga bugun g‘alaba juda zarur ekanini bilar edik. Ular anchadan beri g‘alaba qozonishmagan edi. Biz birinchi bo‘limni ancha sust o‘tkazdik. Oldingi chiziqda ishlarimiz uncha yurishmayapti. Natijada mana 3 ta o‘yindirki, raqib darvozasiga gol kirita olmayapmiz.

Bugun ikkinchi bo‘limni yaxshi o‘tkazgan bo‘lsak-da, taym so‘nggida yana gol o‘tkazib yubordik va yakunda imkoniyatni boy berdik", - deb Miklyaevning so‘zlarini keltirib o‘tdi PFL rasmiy sayti.