Superliganing eng yaxshi yosh va xorijlik futbolchilari ma’lum bo‘ldi

Superliganing joriy mavsumi o‘z nihoyasiga etdi. O‘zPFL yilning eng yaxshi yosh futbolchisi va eng yaxshi xorijlik futbolchisini e’lon qildi.

Superliganing eng yaxshi yosh futbolchisi — Firdavs Abduraxmonov (Dinamo)
20 yoshli futbolchi bu mavsum samarqandliklar safida Superligada 23 bahsda maydonga tushib, 6 gol va 3 golli uzatma qayd etdi.

Yilning eng yaxshi xorijlik futbolchisi — Lyupcho Doriev (So‘g‘diyona)
Shimoliy Makedoniyalik futbolchi bu mavsum Superligada 30 ta bahsda maydonga tushdi va 16 ta to‘p kiritib, 9 ta golga assistentlik qildi.