Сўнгги умид! Мундиал учун охирги йўлланмалар ўйналадиган қитъалараро плей-офф баҳслари ҳақида

Қитъалараро плей-офф қандай форматда ва қаерда ўтказилади?  

Ушбу "кичик турнир" 23-31 март куни ўтказилади ва унда 6 та терма жамоа иштирок этади. 

КОНКАКАФ - (Шимолий Америка) 2 та; 
КОНМЕБОЛ (Жанубий Америка)- 1 та; 
ОФК - (Осиё) 1 та; 
КАФ - (Африка) - 1 та; 
ОФК - (Океания) - 1 та.

Терма жамоалар ФИФА рейтингига кўра, икки гуруҳга ажратилади. Ўз гуруҳларида энг юқори рейтингга эга бўлган икки терма тўғридан-тўғри финалга йўл олади. Қолган 4 та терма жамоа ярим финалда иштирок этади. Финал баҳслари ғолиблари эса Жаҳон чемпионатига сўнгги икки йўлланмани қўлга киритади. 

Мазкур плей-офф босқичи эксперимент сифатида ўтказилади. Ушбу "кичик турнир"га Мексика мезбонлик қилиши кутилмоқда. Ҳозирча Океаниядан Янги Каледония ушбу плей-офф баҳсларида иштирок этиши аниқ бўлиб улгурган. 

Қайд этиш лозим, ушбу босқич терма жамоалар учун сўнгги умид саналади. Яъни Мундиал учун энг сўнгги икки йўлланма шу ерда ўйналади.