"Сўғдиёна" учун "Қизилқум" ноқулай рақиб!

Суперлига 13-тур доирасидан ўрин олган “Сўғдиёна” – “Қизилқум" учрашуви Жиззах шаҳридаги “Марказий” стадионида бўлиб ўтади. Мазкур учрашув олдидан ушбу жамоаларнинг ўзаро ўйинларига доир статистик маълумотлар билан таништириб ўтамиз.

Ушбу жамоалар шу пайтга қадар чемпионат доирасида 38 марта тўқнаш келган.

Ўзаро учрашувларнинг 9 тасида жиззахликлар ғалаба қозонган. “Қизилқум” ўйинларнинг 16 тасида зафар қучган. 13 та баҳсда дуранг натижа қайд этилган.

Тўплар нисбати – 50:37, “Қизилқум” фойдасига. Ўзаро ўйинларда “бўрилар” 40 очкони қўлга киритган. “Олтин изловчилар”нинг очкоси 61 тани ташкил этади.

Манба: "Қизилқум" ПФК матбуот хизмати.