“Реал” Трентдан кейин яна “Ливерпуль”нинг топ-ўйинчисини текинга олиб кетмоқчи

“Реал” яқинда “Ливерпуль”нинг ўнг қанот ҳимоячиси Трент Александер Арнольдни эркин агент сифатида бепул қўлга киритди. Аслида мадридликлар бу ўйинчига анча олдин алоқага чиққан ва Мадридга таклиф этган эди.

Шу боис, Трент ливерпулликлар билан музокара ўтказганига қарамай, ҳамкорликни узайтирмади. “Қироллик клуби” энди худди шу усулни бошқа ҳимоячи Иброҳим Конатега қўлламоқчи.

Ливерпулликларнинг муҳим ўйинчиси ҳисобланган Конатенинг шартномаси бир йилдан кейин якунланади. Ўйинчи уни “Реал” кутаётганини билади. “Ливерпуль” ўйинчи билан янги битим тузиш бўйича ҳаракатни бошлаб юборган.

Бироқ музокаралар ҳали самара бермади ва бу вазият Англия чемпионларини жиддий тарзда безовта қила бошлади.

Fichajes нашрининг маълум қилишича, мадридликларнинг асл мақсади 26 ёшли ҳимоячини келаси ёзда бепул трансфер қилишдан иборат. Бироқ вазиятга қараб, “Қироллик клуби” шу ёз ҳам трансфер бўйича ливерпулликларга таклиф юбориши мумкинлиги айтиляпти.