"Sho‘rtan"ni vaqtinchalik boshqaruvchi murabbiy nomi ma’lum

"Sho‘rtan" klubini vaqtinchalik Eldor Moyliev boshqaradi. Bu haqda klub vakillariga tayangan holda O‘zPFL ma’lum qildi.

Jamoa bosh murabbiyi Anvar Berdiev bilan tuzilgan mehnat shartnomasi o‘zaro kelishilgan holda bekor qilinganligi sababli, klub akademiyasi direktori lavozimida ishlab kelgan Eldor Moyliev vaqtincha bosh murabbiy vazifasini bajaruvchi sifatida bo‘lajak uchrashuvlarda jamoani maydonga boshlab tushadi.

Ma’lumot uchun, Anvar Berdiev 2023 yil may oyida "Sho‘rtan" jamoasini  qabul qilib, 7 yillik tanaffusdan so‘ng klubni 2024 yil yakunida Superligaga olib chiqdi.