Шенсни: "Барса"да барчаси бошқача"

Войцех Шенсни "Барселона"да ҳали ўзининг энг яхши ўйин амалиётини намойиш этмаётганини таъкидлади.

- Жамоада менга бўлган муносабат учун миннатдор бўлишим лозим. "Барселона"да ўйнаш жуда илҳомлантиради, сабаби бу ерда ниҳоятда гўзал футбол ўйналади. Бу мен шу пайтгача бошдан кечирган нарсалардан бутунлай фарқ қилади.

Мен таққослашни хуш кўрмайман, бироқ шуни айтишим мумкинки, "Ювентус"да ҳамма нарса натижага боғлиқ эди. "Барса"да футбол ўйнашдан катта завқ олинади ва бу ёқимли. Миллионлаб одамлар майдондан кўз узмай кузатиб туришлари ҳайратланарли.

Ҳозир энг муҳими - барча жисмоний ва ақлий куч-қувватни келгуси ўйинларга йўналтириш. Биз иложи борича яхшироқ ўйнашимиз керак. Ўйлашимча, ҳали 100 фоиз тайёр эмасман. Энг яхши формам ҳали олдинда, - деди "Барселона" посбони.

Маълумот учун, ўтган йили ёзда футболчилик фаолиятини якунлаганини эълон қилган Шенсни "Барса" сардори ва дарвозабони Марк-Андре тер Штеген жароҳатидан сўнг кузда "кўк-анорранглилар"дан таклиф олди ва фаолиятини давом эттирадиган бўлди.