Шайхлар “Барса”нинг тўрт футболчисини олиб кетади

Саудия Арабистонининг қудратли клублари ёзги трансферлар вақтида Европа юлдузларидан бир гуруҳини ўз лигаларига олиб кетишни мўлжалламоқда.

Sport.es сайтининг ёзишича, шайхлар нишонига “Барселона”нинг тўрт нафар машҳур ўйинчиси ҳам тушган.

Манбага кўра, “Ан-Наср”, “Ал-Ҳилол” ҳамда “Ал-Иттиҳод” клублари мутасаддилари бўлажак трансферларни муҳокама қилиш мақсадида “Басрелона” раҳбарияти билан учрашув ўтказди.

Таъкидлананишича, “Ал-Ҳилол” жорий мавсум каталонияликлар етакчисига айланган бразилиялик легионер Рафиньяга жиддий қизиқиш билдирмоқда. Айни пайтда Рафинья клуб билан янги шартнома бўйича музокара ўтказяпти. Лекин томонлар маош миқдори ва битим муддати бўйича келиша олмаяпти.

“Ал-Иттиҳод” клубивакиллари нидерландиялик плеймейкер Френки де Йонг хизматига қизиқаётганини билдирган.  “Барса”да энг катта маош олаётган ўйинчи янги шартнома бўйича музокара ўтказмоқда.

Ниҳоят, Криштиану Роналду етакчилигидаги “Ан-Наср” клуби ўз сафига каталонияликларнинг тажрибали ҳимоячилари – Жюль Кунде ва Рональд Араухони қўшиб олмоқчи.