"Sevilya" forvardi sobiq jamoasiga qaytadi

"Sevilya" klubi hujumchisi Nolito yana "Selta"ga qaytishga yaqin turibdi. Bu haqda Marca nashri xabar bermoqda.

Yuqoridagi manbaaga ko‘ra vigoliklar 32 yoshli sobiq futbolchisining transferi masalasida andalusiyaliklar bilan deyarli kelishuvga erishishgan. Unga ko‘ra “Selta” Nolito evaziga “Sevilya”ga 2,5 mln evro to‘laydi. Ushbu transfer tez orada rasman e’lon qilinishi kutilmoqda.

Ma’lumot uchun, Nolito “Selta” safida 2013-2016 yillarda to‘p surgan. 2017 yildan buyon esa “Sevilya” sharafini himoya qilib kelmoqda. O‘tgan davr mobaynida jami 59ta o‘yinda maydonga tushdi va 10ta gol hamda 10ta golli uzatmaga mualliflik qilishga erishdi.