Серена Уильямс ҳам ярим финалда

Америкалик теннисчи Серена Уильямс "Уимблдон" чемпионатининг чорак финалида ҳамюрти Элизе Рискэга қарши ўйин ўтказди.

Кескин ва муросасиз ўтган мазкур ўйинда Серена рақибини уч сетда 6:4, 4:6, 6:3 ҳисобида таслим этди ва ярим финал йўлланмасини қўлга киритди.

Шу тариқа ярим финалга чиққан Уиляьмс, энди чехиялик Барбора Стрикова, ёки британиялик Йоханна Конта билан рақобатлашади.