"Селтик" 50-марта Шотландия чемпиони бўлди

Бугун Шотландия премьер-лигасининг 36-турида "Селтик" сафарда "Абердин"ни 3:0 ҳисобида енгди.

Эътиборлиси, ушбу ғалабадан сўнг “Селтик” ўз очколарини 84тага етказиб олиб, муддатидан аввал мамлакат чемпионлигини қўлга киритди.

Таъкидлаш лозимки, бу “Селтик” тарихидаги 50-чемпионлик бўлди. Бу борада етакчи Глазгонинг “Рейнжерс” клуби ҳисобланади. Улар жами 54 марта Шотландия чемпиони бўлишган.