Самарқандда стол тенниси бўйича катта семинар ўтказилади

19-21 ноябрь кунлари Самарқанд шаҳрида стол тенниси бўйича аёл мураббийлар ва ҳакамлар учун ўқув-методик семинар бўлиб ўтади. “Спортда аёллар энг устувордир” шиори остида ўтказиладиган ушбу семинар Ўзбекистон стол тенниси федерацияси томонидан ташкил этилмоқда.

Семинарда қуйидаги мавзулари бўйича назарий ва амалий машғулотлар ўтказилади:

– “Ёш ўйинчаларни тайёрлаш усуллари, бошланғич босқичда ўйинчиларни саралаб олиш ва уларни ўқитиш”.

– “Психологлар ва диетологлар тавсиялари”.

– “Замонавий босқичда ҳакамлик учун хатоликлар ва асосий талаблар”.

– “Мураббийлар ва ҳамкамлар учун амалий машғулотлар ва маҳорат дарслари. Кутилаётган натижалар”.

– “Республика стол теннисида меҳнат қилаётган аёл мураббийлар ва ҳакамларни ҳисобга олиш ва мониторинг қилиш”.

– “Спортда стол тенниси бўйича юқори натижаларга эришган аёллар иштирокини белгилаш”.

– “Семинар иштирокчиларини машғулотлар услубининг замонавий ютуқлари билан таништириш”.

– “Бошланғич босқичда ёш спортчиларнинг қобилиятларини аниқлаш бўйича психология соҳасида хабардор қилиш”.

– “Олинган назарий ва амалий машғулотлар орқали мураббийлар ва ҳакамларнинг малакасини ошириш”