Runi "Derbi Kaunti"dagi debyutida golli uzatmaga mualliflik qildi

Xabaringiz bor 1 yanvar kuni "Derbi Kaunti" klubi Ueyn Runini jamoaning o‘ynovchi murabbiyi deb e’lon qilgan edi.

E’tiborlisi, 34 yoshli futbolchi maydonga jamoasini sardor sifatida boshlab tushdi va debyut uchrashuvida golli uzatmaga mualliflik qilishga erishdi.

Eslatib o‘tamiz, Runi “Derbi Kaunti” bilan 2021 yilning yoziga qadar shartnoma imzolagan. U tomonlar kelishuviga ko‘ra yana 1 yilga uzaytirilishi ham mumkin.

Ma’lumot uchun, Runining so‘nggi jamoasi AQShning “Di Si Yunayted” klubi bo‘lgan edi.