Runi : "Ronalduga Italiya yoki Ispaniyadagidek oson bo‘lmaydi"

Angliyaning "Manchester Yunayted" jamoasi sobiq futbolchisi - Ueyn Runi Ronalduning "Yunayted"dagi kelajagi borasida fikr bildirdi.

"U ortga qaytgach, hali suhbatlashganimiz yo‘q. Shanba kungi o‘yinga ham bora olmayman. O‘sha kuni ikkita o‘g‘ilmning futbol uchrashuvi bor va ular uchun kirakash vazifasini o‘tab beraman.

Uning qaytganidan xursandman. Ronalduning mentaliteti yoshlar uchun o‘rnak bo‘ladi. Bu super transfer bo‘ldi! Ochig‘i, APLdagi intensiv futbol uni ancha qiynab qo‘yishi aniq. Ispaniya va Italiyadagi o‘yinlardan farqli o‘laroq, bu erda jismoniy tayyorgarlik birinchi planda. Unga oson bo‘lmasligi aniq, ammo Krish avval bu erda to‘p surgan. Umid qilamanki, u "Manchester Yunayted" uchun yana gollar kiritishni boshlaydi."

Eslatib o‘tamiz, Runi hozirda "Derbi Kounti" klubi bosh murabbiyi sanaladi.