RPL. "Rostov" chempionni mag‘lub etdi, Shomurodov penalti ishladi

Hamyurtimiz Eldor Shomurodov faoiliyat olib boradigan "Rostov" klubi bu tur o‘z maydonida muddatidan oldin chempionlikni qo‘lga kiritgan "Zenit"ni qabul qildi va minimal hisobda raqibdan ustun keldi.

Shomurodov bahsni asosiy tarkibda boshladi va 66-daqiqada penalti ishladi. 11 metrli jarima zarbasini Ivelin Popov aniq amalga oshirdi va donliklarga 3 ochko keltirdi.

Shu tariqa Valeriy Karpin shogirdlari hisobidagi ochkolar soni 41 taga etdi va jamoa turnir jadvalida 7-o‘ringa ko‘tarilib oldi.