Роналдунинг агенти яна “Челси”га мурожаат қилди

“Манчестер Юнайтед” ҳужумчиси Криштиану Роналдунинг агенти Жорже Мендеш мижозини Чемпионлар лигасида қатнашадиган жамоага жойлаш фикридан қайтгани йўқ ва бу борадаги ҳаракатларини давом эттирмоқда.

The Independent нашрининг ёзишича, таниқли агент “Челси” вакиллари билан учрашиб, уларга яна 37 ёшли тўпурарни клубга қўшиб олишни таклиф қилган.

Аввалроқ, “аристократлар”нинг янги хўжайини Тодд Бёли Роналдуни олишга жидди қизиққанди. Бироқ бош мураббий Томас Тухель ўтган мавсум португалиялик юлдуз билан ишлаган ҳамюрти Ральф Рангник билан маслаҳатдан кейин, бу трансферга тўсқинлик қилди.

Жорже Мендешнинг бу гаплардан хабари бўлса-да, “Челси” раҳбариятининг фикрини ўзгартиришга қаратилган ҳаракатларини тўхтатмаяпти.