Роналдуда бошқа чора қолмадими?

Криштиану Роналду жаҳон чемпионатидан кейин собиқ клуби "Реал" базасида машғулот ўтаб, Бирлашган Араб Амирликлари пойтахти Дубайга жўнаб кетди.

37 ёшли ҳужумчи формасини сақлаб туриш мақсадида "қироллик клуби" президенти Флорентино Перес рухсати билан икки кун мобайнида "қаймоқранглилар" ҳудудида алоҳида машғулот ўтказиб, шахсий самолётида Дубайга учиб кетган. Унинг қай мақсадда кетгани ҳозирча номаълум.

Эслатиб ўтамиз, Роналдуга ҳалигача Саудия Арабистони жамоаси "Ал-Наср"дан бошқа харидор топилмади. Риёдликлар португалиялик форвардга  йилига 200 миллион евро маош ва 2.5 йиллик шартнома таклиф қилмоқда.