Роналду ва Дибала кетмоқчилигидан хабар топган “Ювентус” супер ҳужумчи қидирмоқда

Келаси мавсум олдидан “Ювентус” олдида тўпурар ҳужумчи топиш масаласи долзарб бўлиб қолади. Чунки Роналдунинг жамоадан кетиши ҳақида хабарлар тарқатилмоқда. Дибала сўраган маошни туринликлар бера олмаяпти. Гонсало Игуаин ҳам ёзда клубдан кетмоқчи.

Шу боис “Ювентус” ёзда “Вулверхэмптон” муваффақиятларида муҳим роль ўйнаётган мексикалик ҳужумчи Рауль Хименесни қўлга киритмоқчи. Бироқ, англияликлар сўраётган 50 миллион евро туринликларга маъқул келмаяпти.

Рауль Хименес жорий мавсумда жами 23 та гол уриб, 10 та голли пас узатди.