Ronaldu Masharipov bilan uchrashuvga bormoqchi emas

Osiyo elit chempionlar ligasi doirasida Saudiya Arabistonining “An-Nasr” jamoasi Eronda “Istiqlol” futbolchilari bilan kuch sinashishi kerak.

Marca nashrining ma’lum qilishicha, saudiyaliklar 22 oktyabrga belgilangan uchrashuvda qatnashish uchun Eronga borishni istamayapti.

“An-Nasr” klubi Yaqin Sharqdagi siyosiy vaziyat tufayli o‘z jamoasi futbolchilarining hayotini xavfga qo‘ymoqchi emasligini ta’kidlamoqda.

Tehrondagi o‘yin ko‘pchilikni Krishtianu Ronaldu kelishi sababli qiziqtirib qo‘ygan. Biz uchun ahamiyatlisi esa, Ronaldu Chempionlar ligasi doirasida sobiq jamoadoshi Jaloliddin Masharipov bilan uchrashishi kutilmoqda.