Роналду келажаги бир кишига боғлиқ

Португалиялик ҳужумчи Криштиану Роналдунинг келажаги ҳамон номаълумлигича қолмоқда. Аввалроқ, 37 ёшли футболчи шартномаси бўлишига қарамай, “Манчестер Юнайтед”да кетмоқчи эканлигини айтди.

“Football Daily” нашри хабарига кўра, айни дамда ҳужумчи Португалияда бўлиб, агенти Жорже Мендешдан кўрсатма кутмоқда. Мендеш футболчи учун янги жамоа топиши керак. Роналду фаолиятини давом эттириши мумкин бўлган вариантлари орасида ПСЖ, "Бавария", "Рома", "Барселона", "Челси" ва "Атлетико" бор.

Футболчи Чемпионлар лигасида иштирок этишини истамоқда, шу боис, бошқа жамоага ўтмоқчи.

Эслатиб ўтамиз, "Манчестер Юнайтед" АПЛда олтинчи ўринни эгаллади ва ЕЧЛ турнирида иштирок этиш имкониятини йўққа чиқарди.