"Рома" Шомуродовнинг ўрнини АПЛ ҳужумчиси билан тўлдирди

Ирландиялик ҳужумчи Эван Фергюсон "Брайтон"дан "Рома"га ижара асосида ўтганини Рим клуби матбуот хизмати эълон қилди.

20 ёшли футболчи билан тузилган ижара шартномаси муддатига аниқлик киритилмаган, шартномада сотиб олиш имконияти ҳам бор. Журналист Фабрицио Романонинг ёзишича, Фергюсоннинг трансфери "Рома"га 40 млн еврога тушади.

Фергюсон Рим клубида 11-рақам остида ҳаракат қилади. Ҳужумчи 2022 йилнинг ноябрь ойида Ирландия терма жамоаси сафида дебют қилган ва 18 та ўйинда тўртта гол урган.

Февраль ойидан бери Фергюсон Лондоннинг "Вест Хэм Юнайтед" жамоасида ижара асосида ўйнамоқда. Футболчи "болғачилар"нинг саккизта ўйинида иштирок этган. Transfermarkt сайти маълумотларига кўра, Ирландия терма жамоаси ҳужумчисининг айни дамдаги нархи 25 млн еврони ташкил қилмоқда.