"Рома" Аллегри билан музокаралар ўтказяптими?

“Рома” клуби спорт директори Тьягу Пинту жамоа таниқли мутахассис Массимилиано Аллегри билан музокаралар олиб бораётгани ҳақида тарқалган хабарларга ўз муносабатини билдирди.

“Бошқа мураббийлар билан учрашувларим ҳақидаги миш-мишларни инкор қиламан. Буларнинг барчаси ёлғон. Биз Пауло Фонсекадан ва унинг ишидан мамнунмиз, мен у билан жуда яхши муносабатдаман. Паулони бу миш-мишлар чалғитмайди, у бор эътиборини фақат кейинги ўйинга қаратади”, - деди Пинту.

“Рома” ортда қолган 20 турдан сўнг 40 очко жамғарган ҳолда А Серия мусобақа жадвалида 3-ўринда бормоқда.