"Рома" - "Фиорентина": 3:1! Шомуродовдан ассист! (Матнли трансляция)

Ассалому алайкум, мухтарам футбол ихлосмандлари! Италия А Серияси 1-туридан ўрин олган "Рома" - "Фиорентина" учрашуви матнли трансляция кўринишида эътиборингизга ҳавола этилади.

• 90+4'
  

  Учрашув якунланди. "Рома" мавсумни ғалаба билан бошлади!

• 90+2'
  

  Миленковичнинг зарбасидан кейин Патрисиу тўпни ушлаб олди.

• 90'
  

  Асосий вақтга 4 дақиқа қўшилди.

• 89'
  

  Дарвозабон билан бирга-бир вазиятга чиқиб борган Элдорнинг зарбасини дарвозабон қайтарди.

• 86'

  Ҳисобда ортда бораётган меҳмонлар ҳужум уюштиришда давом эттиряпти.

• 84'
  

  Лоренцо Пеллегрини ўз ўрнини Карлес Пересга бўшатиб берди. Шунингдек, Эл-Шарави Мхитарянни алмаштирди.

• 82'

  Жарима майдони ташқарисидан берилган зарба Патрисиуга муаммо туғдирмади.

• 80'
  

  ГОООООООООООООЛ! Ҳисоб 3:1! Шомуродовдан ассист!

  Элдорнинг узатмасидан сўнг Верету бирга-бир вазиятдан гол урди!

• 79'

  Душан Влахович рақиб жарима майдонида йиқилиб тушди. Пенальти йўқ!

• 78'

  Карсдропнинг оширган тўпини ҳимоячилар қайтарди. Кристантенинг такрорий уриниши ноаниқ кетди.

• 76'

  Сўнгги дақиқаларни мезбонлар тўлиқ ҳимояда ўтказмоқда. 

• 74'

  Флоренцияликлар анча самарали босим уюштирмоқда. Натижада, римликлар хато қилишга мажбур бўляпти.

• 72'

  Элдорнинг биринчи бор тўпга тегиши муваффақиятсиз чиқди. Тезликда рақибидан ўта олмаган Шомуродов йиқилиб тушди.

• 71'

  Икки рақибидан ўтган Бонавентура ҳужумни давом эттира олмади.

• 69'
  

  Абрахам ўз ўрнини ЭЛДОР ШОМУРОДОВга бўшатиб берди!

• 68'
  

  Тэмми Абрахам майдонга ўтириб олди. Унга тиббий ёрдам керакка ўхшайди.

• 66'
  

  ГОООООООООООЛ! "Рома" яна ҳисобда олдинга чиқиб олди!

  Яна Абрахамдан пас, бу сафар Верету гол муаллифи.

• 65'

  Рефери ВАРдаги ёрдамчиларидан вазиятни куриб чиқишни сўради.

• 64'
  

  Абрахамнинг узатмасидан кейин Верету гол урди. Аммо яна ҳакам голни ҳисобга олмади. Кузатамиз.

• 62'

  Тэмми Абрахамнинг бош билан йўллаган зарбаси сўнг тўп тўсиндан қайтди.

• 60'
  

  ГОЛ. "Фиорентина" ҳисобни тенглаштирди.

  Никола Миленковичнинг яқин масофадан берган зарбаси олдида дарвозабон ожиз қолди.

• 58'
  

  Жарима майдони ташқарисилан берилган зарбани "Рома" посбони ушлаб олди.

• 57'

  Гейнрих бу сафар воқеалар ривожидан илгарилаб кетди.

• 55'
  

  Душан Влаховичнинг яқин масофадан йўллаган зарбасини Патрисиу қайтарди.

• 54'

  Зарба учун қулай позицияга чиқиб борган Мхитарян ижрода оқсади.

• 52'
  

  Николо Заниоло иккинчи сариқ карточкани олиб майдонни тарк этди.

• 51'

  Мезбонлар жарима майдонидан узоқ бўлмаган ҳудудда стандарт вазиятга эга бўлди.

• 49'

  "Бўрилар" иккинчи бўлимда ҳам устунлик намойиш этмоқда.

• 47'

  Ўткир бурчакдан дарвозани нишонга олган Пеллегрини мўлжалда адашди.

• 46'

  Абрахамнинг рейди муваффақиятсиз якунланди.

• 46'
  

  Иккинчи тайм бошланди!

• 46'
  

  Бўлимлар оралиғида флоренцияликларда ўзгариш: Гаэтано Кастровили Юсуф Малье ўрнига майдонга тушди.

• 46'

  Футболчилар майдонга қайтди. Навбат бизники!

• 45+3'
  

  Танаффус!

• 45+2'
  

  Футболчилар анча қўпол ўйин кўрсатмоқда. Бу сафар Бонавентура огоҳлантирилди.

• 45'
  

  Биринчи таймга 3 дақиқа қўшиб берилди.

• 44'
  

  Николо Заниолога сариқ карточка кўрсатилди.

• 44'

  Яқин масофадан берилган зарбани Патрисиу қайтариб юборди.

• 42'

  Меҳмонлар стандарт вазиятдан наф чиқара олмади.

• 40'

  Томонлар босиқлик билан ўйинни давом эттирмоқда.

• 37'

  Ўйин темпи бироз пасайди. Жамоалар танаффус олдидан озгина тин олди, чоғи.

• 35'

  Ўйин Моуриньо шогирдларининг кичик устунлиги остида давом этмоқда.

• 33'
  

  Бу сафар Патрисиу жамоасини муқаррар голдан сақлаб қолди. Бонавентуранинг уриниши бартараф этилди.

• 31'
  

  Николо Заниолонинг олис масофадан берган зарбасини дарвозабон қайтарди.

• 30'

  Иштаҳаси очилган "бўрилар" фаолликни давом эттирмоқда.

• 28'
  

  ГОООООООООООЛ! "Рома" ҳисобни очди!

  ВАРга қулоқ солган ҳакам Мхитаряннинг голини ҳаққоний, деб топди. Абрахамдан ассист.

• 26'
  

  Гейнрих Мхитаряннинг голи офсайд туфайли инобатга олинмади.

• 24'

  Пеллегринининг яқин масофадан берган зарбаси бироз ноаниқ кетди.

• 22'

  Сон бўйича устунлик қилаётган римликлар буни ҳисобга кўчиришга ҳаракат қилмоқда.

• 20'

  Жарима майдонига оширилган тўпга Заниоло ета олмади.

• 19'
  

  Захира дарвозабони Пьетро Терраччано ўйинга қўшилди. У Хосе Кальезонни алмаштирди.

• 18'

  Узоқ давом этган муҳокамалардан кейин ҳакам ўз қарорини ўзгартирмади. "Фиорентина" бир киши кам бўлиб ўйинни давом эттиради.

• 17'
  

  Дарвозабонни алдаб ўтган Абрахам қоида бузиш эвазига тўхтатилди. Меҳмонлар посбонига қизил карточка кўрсатилди.

• 15'

  Жакомо Бонавентура рақиб жарима майдонида қўполлик ишлатди. Ҳакам ўйинни тўхтатди.

• 13'

  Жарима майдонига оширилган тўпни Патрисиу эгаллаб олди.

• 12'
  

  Пеллегринига сариқ карточка кўрсатилди.

• 10'

  "Рома"нинг илк вазияти бурчак тўпи бўлди. Аммо рақиб яхши ҳимояланди.

• 7'

  Тўп назорати флоренцияликлар томонда бўлиб турибди. Моуриньо жамоаси доимгидек, қарши ҳужумда.

• 4'

  Қанотдан етказиб берилган тўпни римликлардан ҳеч ким дарвозага йўллай олмади.

• 2'

  Меҳмонлар фаол старт намойиш этмоқда.

• 1'
  

  Учрашувга старт берилди!

• 0'

  Сардорлар расмий жараёнларни ўтказиб олишди. Старт учун барчаси шай!

• 0'

  Футболчилар майдонга тушиб келди. Ҳозирча улар орасида Шомуродов йўқ. Бироқ биздан узоқлашмай туринг, Элдорда имконият бор!