"Roland Garros". Бугун финал учрашуви ўтказилади

Бугун "Roland Garros"нинг финал учрашуви бўлиб ўтади. Унда турнирнинг 12 карра ғолиби, испаниялик Рафаэль Надаль ҳамда айни пайтда жаҳоннинг 1-рақамли теннисчиси сербиялик Новак Жокович ўзаро муносабатларга ойдинлик киритиб олади.

Ҳал қилувчи беллашувда ушбу спортчилар аввал 2 бор тўқнаш келган. 2012 йил Франция очиқ чемпионати финали 6:4, 6:3, 2:6, 7:5 ҳисобида Надаль фойдасига ҳал бўлган. Орадан икки йил ўтиб, улар яна финалгача мағлубиятсиз етиб келади ва яна Надаль ғолиб чиқди: 3:6, 7:5, 6:2, 6:4.

Бугунги кунда жаҳоннинг энг кучли икки ракетка устаси ўртасидаги баҳс ҳеч кимни бефарқ қолдирмаслиги аниқ. Шу боис, сўнгги янгиликлардан бохабар қилиб боришга ҳаракат қиламиз.