Родриго "Тоттенхэм"нинг трансфер режаларида йўқ — Плеттенберг
Мадриднинг "Реал" клуби ҳужумчиси Родриго жорий ёзда "Тоттенхэм"нинг трансфер режаларига кирмайди. Бу ҳақда машҳур журналист Флориан Плеттенберг ижтимоий тармоқлар орқали маълум қилди.
Аввалроқ, лондонликлар клуби раиси Даниэль Леви футболчининг нархини пасайтиришга уриниши мумкинлиги ҳақида хабарлар тарқалганди. Бироқ, Плеттенбергнинг хабарига кўра, бу миш-мишлар ҳақиқатга тўғри келмайди.
24 ёшли бразилиялик футболчи "қироллик клуби" билан 2027/28 йилги мавсум якунлангунигача амал қиладиган шартнома имзолаган. Transfermarkt портали Родригони 90 миллион еврога баҳолаган.
Фикрлар