Ришарлисон "Тоттенхэм"даги келажаги борасида бир қарорга келди

"Тоттенхэм" ҳужумчиси Ришарлисон клуби рўйхатини ўзгартиришга шошилмаяпти. Бразилиялик ҳужумчи жароҳатлар туфайли кўп ўйинларни ўтказиб юбормоқда.

Яқинда ОАВда футболчининг "Флуминенсе"га қайтиши мумкинлиги ҳақида хабарлар пайдо бўлди. "TNT Sports" хабарига кўра, Ришарлисон фаолиятини давом эттириш учун бу вариантларни кўрмоқчи эмас. 27 ёшли футболчи ҳали ҳам “шпорлар” сафида ўзини кўрсатиш ниятида.

Эслатиб ўтамиз, Лондон клуби "пентакампеонлар" форвардини 2022 йилнинг ёзида "Эвертон"дан 58 миллион евро эвазига сотиб олганди. "Transfermarkt" портали унинг нархини 35 миллион еврога баҳоламоқда.