“Реал”дан зўр жамоа бор экан

Статистикаларга ихтисослашган Opta нашри мутахассислари дунёнинг энг кучли клублари рейтингини эълон қилди.

Унга кўра, “Манчестер Сити” жаҳон футболининг энг кучли жамоаси сифатида эътироф этилди.

Қизиғи шундаки, марказ экспертлари Европа Чемпионлар лигаси ва Испания чемпионатининг амалдаги ғолиби “Реал”ни эмас, балки халқаро майдонда муваффақиятга эришмаган “Манчестер Сити”ни биринчи ўринга қўйди.

Айрим манбалар Opta нашрининг бундай хулосага келишида, “шаҳарликлар”нинг кетма-кет тўртинчи бора Англия чемпионлигини қўлга киритиб, тарихий рекорд ўрнатгани сабаб бўлганини таъкидламоқда.

“Манчестер Сити”нинг муваффақиятлари жамоани 2016 йилдан бери бошқариб келаётган испаниялик мураббий Хосеп Гвардиоланинг самарали фаолияти натижасидир.