“Реал”да ўйнамайман!

“Арсенал”нинг ёш ҳимоячиси Майлс Льюис-Скелли Испания чемпионатига кўчиб ўтиб, қудратли жамоа “Реал” сафига қўшилиш имкониятидан фойдаланмади.

Мадридликлар 18 ёшли футболчини эркин агент мақомида бепул трансфер қилишга уриниб кўрган эди.

Иқтидорли ўйинчи “Қироллик клуби”нинг чорловларига эътибор қаратмасдан, “канонирлар” билан шартномани янгилаб, Лондонда қолишга қарор қилди.

The Times нашрининг ёзишича, янги шартнома имзоланганидан кейин Майлс Льюис-Скелли ўз тенгқурлари орасида жаҳон футболида энг катта маош оладиган футболчи қаторига қўшилди. Аксарият манбалар “Арсенал” ёш истеъдод эгаси билан беш йиллик битим тузганини ёзмоқда.