"Real" yulduzi "Milan"ga o‘tishi mumkin!

"Real Madrid"ning iqtidorli futbolchisi Arda Gyuler faoliyatini Italiyada davom ettirishi mumkin. Bu haqda "Sempra Milan" nashri ma’lum qildi. 

Xabarga ko‘ra, turkiyalik futbolchini "Milan" o‘z tarkibida ko‘rishni xohlaydi va futbolchini sotib olmoqchi. "Qirollik klubi" bosh murabbiyi Karlo Anchelotti Gyulerga  kam o‘yin amaliyoti bermoqda va bundan futbolchining o‘zi norozi.  "Milan"dan tashqari Ardaga "Arsenal" ham qiziqish bildirmoqda.

Ma’lumot uchun, 19 yoshli futbolchining "Los-Blankos" bilan tuzgan shartnomasi 2029 yilning yoziga qadar mo‘ljallangan. Uning Tranfermarkt portalidagi narxi 45 million evroni tashkil qiladi.